၁ - မိမိ ဝါသနာနဲ့ စိတ်အားထက်သန်ရာကို ဖော်ထုတ်ပါ။
လက်ရှိလုပ်ကိုင်နေတဲ့သက်မွေးလုပ်ငန်းကို ဘာကြောင့်ရွေးချယ်ခဲ့တာလဲလို့ အောင်မြင်သူအများစုကို မေးရင် ဝါသနာပါလို့ ရွေးချယ်ခဲ့တာလို့ ဖြေကြမှာပါ။ ကိုယ့်အားသန်ရာ ဝါသနာကို သိခြင်းက အခြေအနေ တွေကို ပြောင်းလဲသွားစေနိုင်ပါတယ်။ အနာဂတ်မှာ ဘာဖြစ်ချင်လဲ၊ တွေးလိုက်တိုင်း ပြုံးမိစေတဲ့အရာက ဘာဖြစ်မလဲဆိုတာ သိအောင်လုပ်ပါ။
၂ - လေ့လာဖို့ မပျင်းပါနဲ့။
စနစ်ကျတဲ့ အစီအစဉ်တစ်ခုရေးဆွဲဖို့ လေ့လာဆန်းစစ်မှုတွေ သေသေချာချာလုပ်ဖို့လိုအပ်ပါတယ်။ ကိုယ်ဝါသနာပါရာ နယ်ပယ်ထဲက အောင်မြင်နေတဲ့သူတစ်ယောက်ကို ချဉ်းကပ်ပြီး သူတို့ရဲ့ အတွေ့အကြုံကို မေးမြန်းပါ။ သက်မွေးလုပ်ငန်းတစ်ခုမှာ ဝင်ငွေရှိဖို့ အရေးကြီးတာမို့ ဝင်ငွေရနိုင်ချေရှိတဲ့ နည်းလမ်းတွေကို ရှာဖွေပါ။
၃ - မိမိထူးခြားချက်ကိုသိအောင်လုပ်ပါ။
သူလိုကိုယ်လို ဝါသနာရှင်တွေကြားမှာ ထင်ပေါ်စေနိုင်မဲ့ ကိုယ့်ထူးခြားချက်က ဘာဖြစ်မလဲ။ သိသာထင်ရှား ပြီး တမူထူးခြားတဲ့ ကိုယ်ပိုင်ဟန်တစ်ခုကို တည်ဆောက်ယူပါ။
၄ - ဖောက်သည်ဖြစ်လာနိုင်မဲ့အသိမိတ်ဆွေတွေကို ချဉ်းကပ်စည်းရုံးပါ။
အကြံပေးချက်တွေကို သေချာနားထောင်ပြီး ပြင်ဆင်ပါ။ မိတ်ဆွေတွေကို ပွင့်ပွင့်လင်းလင်း ဝေဖန်အကြံပေး ဖို့ တောင်းဆိုပါ။ ဒီလူတွေကို အခမဲ့ကြော်ငြာပေးတဲ့ ပထမဆုံးဖောက်သည်တွေဖြစ်လာအောင် စည်းရုံး သိမ်းသွင်းနိုင်မလား ကြိုးစားကြည့်ပါ။
၅ - သူတပါးက မိမိကို သတိပြုမိလာအောင် အားထုတ်ပါ။
နေရာတစ်ခုမှာ နာမည်ရလာဖို့ အချိန်နဲ့ ကြိုးစားအားထုတ်မှု အများကြီး ရင်းနှီးရပါတယ်။ လမ်းညွှန်ပေးနိုင်တဲ့ ဆရာသမားကိုချဉ်းကပ်တာမျိုး၊ အလုပ်သင်အခွင့်အလမ်းတွေ၊ အလွတ်တန်းနဲ့ စီမံချက်အလုပ်တွေ ရှာဖွေ လုပ်ကိုင်တာမျိုးနဲ့ ကိုယ့်အရည်အချင်းကို သတိထားခံရအောင် ပြုလုပ်ပါ။
၆ - ကိုယ့်ဖန်တီးမှုကို ဂုဏ်ယူဝင့်ကြွားစွာနဲ့ ထုတ်ဖော်ပြသပါ။
ကိုယ့်ဖန်တီးမှုတွေကို လူအများမြင်သာအောင် Instagram, YouTube, Facebook, LinkedIn အစရှိတဲ့ online platform တွေသုံးပြီး ချပြပါ။ ကိုယ့်ရဲ့ ဖန်တီးမှုကို နားလည်လေးစားတန်ဖိုးထားရုံမက စိတ်ကူးတွေကို မျှဝေနိုင်မဲ့ ဝါသနာတူသူ၊ အတွေးအမြင်တူတဲ့သူတွေနဲ့ အဝန်းအဝိုင်းတစ်ခုကို တည်ဆောက်ပါ။
၇ - အခက်အခဲတွေကြောင့် စိတ်ပျက်မသွားပါနဲ့။
အိပ်မက်တွေဆီလျှောက်လှမ်းတဲ့လမ်းခရီးမှာ အနိမ့်၊ အမြင့်၊ အတက်၊ အကျတွေကြုံရလို့ အဆင်မပြေတဲ့ အခါ စိတ်မပျက်လိုက်ပါနဲ့။ အခက်အခဲတွေကို အခွင့်အရေးအဖြစ် ပြောင်းလဲအသုံးချပြီး အိပ်မက်တွေ လက်တွေ့ အကောင်အထည်ဖော်လိုက်ပါ။
၈ - ဝင်ငွေလမ်းကြောင်းကို ရှာဖွေဖန်တီးပါ။
သက်မွေးလုပ်ငန်းတိုင်းရဲ့ နောက်ဆုံးရည်မှန်းချက်ဖြစ်တဲ့ ဝင်ငွေရရှိဖို့ အသုံးစရိတ် နဲ့ ဝင်ငွေကို သေချာစီစစ် ရပါမယ်။ အမြတ်ထဲကတစ်ချို့ကို တိုးတက်ဖို့ သင်တန်း တက်တာမျိုး၊ ပိုကောင်းတဲ့ ကိရိယာတန်ဆာပလာ ဝယ်တာမျိုးမှာ အသုံးပြုပါ။ စိတ်ရှည်ရှည်နဲ့ ကြိုးစားမှုကို မရပ်တန့်ဘူးဆိုရင် တဖြေးဖြေးနဲ့ ဝင်ငွေရရှိလာမှာ အသေအချာပါပဲ။
အပေါ်က အချက်လေးတွေကို တစ်ဆင့်ချင်းအကောင်အထည်ဖော်ပြီး ဝါသနာကနေ ဝင်ငွေရှာဖို့ ဆုတောင်း ပေးလိုက်ပါတယ်။
]]>၁ - စိတ်အားထက်သန်မှုဆိုတာဘာလဲ။
ကိုယ်ကျွမ်းကျင်ရာ ဒါမှမဟုတ် ဝင်ငွေဖန်တီးပေးနိုင်တဲ့အရာတိုင်းက စိတ်ထက်သန်ရာ မဟုတ်ပါဘူး။ စိတ်အားထက်သန်ရာဆိုတာ လူတစ်ယောက်ကို စိတ်ပျော်ရွှင်စေပြီး စိတ်လှုပ်ရှားတက်ကြွစေတဲ့အရာကို ခေါ်တာပါ။
၂ - မိမိရဲ့အကျင့်စရိုက်ကို ပြန်လည်သုံးသပ်ပါ။
ကိုယ့်ကိုစိတ်လှုပ်ရှားစေတဲ့ အရာ၊ မပျက်မကွက် လုပ်မိနေတဲ့ အလေ့အကျင့် ဒါမှမဟုတ် သေချာသိနေတယ် လို့ ယုံကြည်ချက်ရှိတဲ့ အကြောင်းအရာကိစ္စမျိုးရှိလား။ ဥပမာ ပန်းချီ၊ လက်မှုပညာတစ်ခုခု၊ ရုပ်ရှင်၊ အားကစား၊ အိမ်မွေးတိရိစ္ဆာန်၊ သိပ္ပံပညာ အစရှိသဖြင့်ပေါ့။
၃ - စမ်းသပ်ပါ။
ကိုယ့်ကို စိတ်လှုပ်ရှားစေတဲ့အရာနဲ့ ဆက်စပ်တာတွေကို စမ်းသပ်ကြည့်ပါ။ ဥပမာ စက္ကူပေါ်မှာ ခဲခြစ်ပန်းချီ ဆွဲရတာကို ကြိုက်တဲ့သူဆိုရင် canvas ပေါ်မှာ ဆီဆေး၊ ရေဆေး ပန်းချီဆွဲကြည့်တာမျိုး လုပ်ကြည့်ပေါ့။
၄ - အင်တာနက်ကို အသုံးချပါ။
ပြီးရင်တော့ လေ့လာသင်ယူနိုင်မဲ့ အခွင့်အရေးတွေကို ရှာဖွေရမဲ့အချိန်ရောက်ပါပြီ။ အခွင့်အရေးရှာဖွေတဲ့ အခါ ကိုယ့်အနီးအနားဝန်းကျင်မှာရှာတဲ့အပြင် internet ကိုသုံးပြီးလည်း ရှာဖွေစေချင်ပါတယ်။ YouTube၊ Facebook၊ Instagram နဲ့ Viberလို နေရာတွေမှာ အကြောင်းအရာပေါင်းစုံအတွက် သင်ခန်းစာမျိုးစုံကို အချိန်မရွေး အခမဲ့ ရှာဖွေလေ့လာနိုင်ပါတယ်။
၅ - ပိတ်ရက်တွေကို အသုံးချပါ။
ရုံးဖွင့်ရက်တွေမှာ လေ့လာသင်ယူဖို့ကြိုးစားပြီး စိတ်ဖိစီးခံမဲ့အစား ရုံးပိတ်ရက်တွေမှာ တစ်ခုခုကို လေ့လာ သင်ယူဖို့ လုံလောက်မဲ့အချိန်တစ်ခုကို သတ်မှတ်ပါ။ အလုပ်တစ်ခုလို မလုပ်မနေရ ကန့်သတ်ချက်တွေ အများကြီးတော့ မထားမိပါစေနဲ့။
၆ - ဝင်ငွေပြန်မရမှာ မပူပါနဲ့။
ကိုယ်ကျွမ်းကျင်တဲ့အရာနဲ့ ငွေဘယ်လိုရှာလို့ရမလဲဆိုတဲ့ခေါက်ရိုးကျိုးနေတဲ့အတွေးအခေါ်ကို မတွေးမိဖို့ အကြံပေးချင်ပါတယ်။ ကိုယ့်စိတ်ပျော်ရွှင်မှုကို ငွေကြေးနဲ့တိုင်းတာဖို့ မလိုပါဘူး။ guitar တီး သီချင်းဆိုရတာ ကြိုက်ရုံနဲ့ အဆိုတော်ဖြစ်ရမယ်မဟုတ်ဘူးမလား။ နောက်ပိုင်း အဆိုတော်ဖြစ်ချင်လာမှ ကြိုးစားတာကတော့ နောက်တကဏ္ဍပေါ့။ လက်ရှိကတော့ ကိုယ့်ကိုပျော်ရွှင်စေတဲ့အရာ လုပ်နေဖို့ပဲ အရေးကြီးပါတယ်။
၇ - စိတ်ရှည်ရှည်ထားပါ။
လူတစ်ယောက်ရဲ့ စိတ်အားထက်သန်ရာကို ရှာဖွေတွေ့ရှိဖို့ အချိန်လိုအပ်ပါတယ်။ စိတ်ဝင်စားရာကို အသက် ၄၀ နောက်ပိုင်းမှပဲ ရှာဖွေတွေ့ရှိသွားတဲ့သူတွေလည်း အများကြီးရှိပါတယ်။ ဒါကြောင့်ကိုယ့် အားသန်ရာကို ရှာဖွေဖို့ အချိန်မယူပဲ စိတ်လောပြီး သူများလုပ်တိုင်း လိုက်လုပ်တာမျိုး မလုပ်မိပါစေနဲ့။ သူများတွေနဲ့ မယှဉ်ပဲ ကိုယ့်အရှိန်နဲ့ကိုယ် တစ်လှမ်းချင်းစီလှမ်းပြီး ကိုယ့်စိတ်အားသန်ရာကို စမ်းသပ်ရှာဖွေပါ။
ကဲ.. ဒါဆိုရင်တော့ အထက်မှာပြောခဲ့တဲ့ အချက် ၇ ချက်ကို အသုံးချပြီး ကိုယ့်စိတ်အားသန်ရာ ဝါသနာကို ရှာဖွေ ဖော်ထုတ်နိုင်ကြပါစေလို့ ဆုတောင်းပေးလိုက်ပါတယ်နော်။
]]>၁- ကိုယ့်အိပ်မက်ပန်းတိုင် ကိုအပျောက်မခံပါနဲ့။
အိပ်မက်နောက်လိုက်နေတဲ့အခါ အရေးကြီးဆုံးအချက်က ပန်းတိုင်ကို မျက်ခြေအပြတ်မခံပဲ အာရုံစိုက်နေဖို့ ပါပဲ။ ပန်းတိုင်ဟာ ခရီးလမ်းအဆုံးမှာရှိနေတာမို့ ကိုယ့်ရည်ရွယ်ရာရောက်တဲ့အထိ ရဲရဲရဲဝံ့ဝံ့နဲ့ လျှောက်လှမ်းဖို့ လိုပါတယ်။
၂ - တိုးတက်မှုရှိလာဖို့ လုပ်ဆောင်ပါ။
ကိုယ့်အိပ်မက်တွေဖြစ်လာဖို့ အရေးကြီးဆုံး ဂရုစိုက်ရမဲ့ အရာကတော မိမိကိုယ်တိုင်ပဲဖြစ်ပါတယ်။ ရုပ်ပိုင်း၊ စိတ်ပိုင်း နဲ့ ခံစားချက်တွေကို မျှတအောင် ထိန်းညှိနိုင်ဖို့ ကျန်းမာရေး ညီညွတ်တဲ့ အစားအစာတွေစားပါ၊ လေ့ကျင့်ခန်းလုပ်ပါ၊ ညမအိပ်ခင် ဒိုင်ယာရီလေးရေးပါ၊ ဆံနွယ်နဲ့ အသားအရေ ထိမ်းသိမ်းမှုတွေလုပ်ပါ။
၃ - အကောင်းမြင်စိတ်မွေးပါ။
အရာရာတိုင်းက ကိုယ်မျှော်လင့်ထားသလို ဖြစ်လာမှာ မဟုတ်တဲ့အတွက် အကောင်းမြင်စိတ်မွေးဖို့ အရေးကြီးပါတယ်။ ကြည်လင်တဲ့ စိတ်ထားဟာ အောင်မြင်မှုရအောင် အထောက်အကူ ဖြစ်စေပါလိမ့်မယ်။
၄ - ကိုယ်နဲ့ သင်တော်တဲ့ အကောင်းဆုံးနည်းလမ်းတွေကို ရှာဖွေဖော်ထုတ်ပါ။
ဆံကေသာထိန်းသိမ်းတဲ့အခါ ကိုယ်နဲ့သင့်တော်တဲ့ပစ္စည်းတွေကို အသုံးပြုသလို အိပ်မက်ပန်းတိုင်ဆီသွားတဲ့ အခါလည်း အသင့်တော်ဆုံးလမ်း ရွေးချယ်ဖို့လိုပါတယ်။ လူတိုင်းနဲ့ သင့်တော်တဲ့ စံသတ်မှတ်ချက်ဆိုတာ မရှိလို့ အချိန်ပေးပြီး မှန်ကန်တဲ့လမ်းကို ရှာဖွေပါ။ စိန်ခေါ်မှုအသစ်တွေကို ရင်ဆိုင်ဖို့ မတွန့်ဆုတ်လိုက်ပါနဲ့။
၅ - မိန်းကလေးချင်းကြားက ညီအစ်မဆန်တဲ့ ခင်မင်မှုကို ထိန်းသိမ်းဖို့ မမေ့ပါနဲ့။
သွေးမတော်သားမစပ်တဲ့ မိန်းကလေး အချင်းချင်းကြားမှာ ညီအစ်မရင်းချာလို ချစ်ခင်ကြင်နာမှုနဲ့ ဖေးမ စောင့်ရှောက်ပြီး ရိုင်းပင်းကူညီဖို့နဲ့ သွေးမကွဲဖို့ သတိထားရပါမယ်။
၆ - လုပ်ပိုင်ခွင့်/လုပ်နိုင်ခွင့်ကို လက်ဆင့်ကမ်းပေးပါ။
ကိုယ့်အနီးဝန်းကျင်က အမျိုးသမီးတွေကို ဆက်သွယ်ချိတ်ဆက်ပြီး တစ်ဦးကိုတစ်ဦး ကူညီနိုင်ရုံမက အခြားသူတွေကိုပါ အောင်မြင်မှုရအောင် ဖေးမလမ်းညွှန်ပေးနိုင်ဖို့ အဝန်းအဝိုင်းလေးတစ်ခု အစပြုဖို့ အကြံပေးချင်ပါတယ်။
၇ - ကိုယ့်ရဲ့အားနည်းချက်ကိုသိပြီး ကိုယ်ရဲ့အားသာချက်ကို မြှင့်တင်ပါ။
အားနည်းချက်သိရင် အခက်အခဲတစ်ဝက်ကို ကျော်လွှားနိုင်ပြီလို့ ပြောကြပါတယ်။ ကျန်တစ်ဝက်ကိုတော့ အားသာချက် အသုံးပြုပြီး ကျော်ဖြတ်ရမှာပါ။ ဘယ်အားသာချက်တွေက ပန်းတိုင်ကို အရောက်ပို့ပေးနိုင် မလဲဆိုတာ စဉ်းစားပြီး ပိုတိုးတက်အောင် ကြိုးစားဖို့လိုပါတယ်။ ဒီလိုဆိုရင် အခွင့်အရေးတွေ ရလာတဲ့အခါ အမိအရဆုပ်ကိုင်ဖို့ အဆင်သင့်ဖြစ်နေမှာပါ။
ဒီအချက်တွေလိုအပြင် အိမ်မက်နောက်ကိုလိုက်ချင်တဲ့ မိန်းကလေးတွေအတွက် အကျိုးရှိစေမဲ့ အစီအစဉ် တစ်ခု အကြောင်း သတင်းကောင်းပါးချင်ပါတယ်။ လက်ရှိမှာ Sunsilk က “အိပ်မက်တွေကို အစပျိုးဖို့
အစီအစဉ်ရေးဆွဲခြင်း” ဆိုတဲ့ အစီအစဉ်ကို အကောင်အထည်ဖော်နေပါတယ်။ စိတ်ဝင်စားတဲ့သူတိုင်း Sunsilk မြန်မာရဲ့ viber community ကို အခမဲ့ဝင်ရောက်ပြီး ပါဝင်နိုင်ပါတယ်။ Community ထဲမှာ အိပ်မက် အစီအစဉ် ရေးဆွဲတဲ့အခါသိသင့်တဲ့ အကြောင်းအရာတွေ၊ အထောက်အကူပြု မှတ်စုစာအုပ်တွေ၊ ဆံပင်၊ မိတ်ကပ်နဲ့ ပန်းချီပညာ tutorial video တွေအပြင် အိပ်မက်နောက်လိုက်ကြတဲ့ အမျိုးသမီးလေးတွေ ပြောပြတဲ့ သူတို့အကြောင်းကို လေ့လာနိုင်မှာဖြစ်ပါတယ်။ မိန်းကလေး အချင်းချင်းက လေးစားအားကျရတဲ့သူ ဖြစ်လာချင်တဲ့ မိန်းမပျိုလေးတွေ အတွက် အချိန်မီ ပါဝင်နိုင်အောင် သတင်းကောင်းပါးလိုက်ပါတယ်။